არსებული ვითარების გამო, თითქმის ყველა ინდუსტრია დაზარალდა. ჩვენ არ შეგვიძლია მიმდინარე მოვლენების შეცვლა, მაგრამ ჩვენ შეგვიძლია გამოვიყენოთ ეს დრო, რათა ეკონომიკის გამოცოცხლებამდე, თავი გავართვათ არ სიტუაციას.
-
დაამყარეთ მჭიდრო კავშირი მომხმარებელთან
გაურკვეველ სიტუაციაში აუდიტორიასთან მჭიდრო კავშირის დამყარებით თქვენ შეძლებთ შეიმუშაოთ მომხმარებლებისკენ დამაკავშირებელი გზები, მომავალში სხვა მრავალი შესაძლებლობისთვის.
ამის განსახორციელებლად, წარმოიდგინეთ რა სიტუაციაში შეიძლება იყვნენ ამჟამად თქვენი მომხმარებლები, რა შეიძლება სჭირდებოდეთ მათ და რა შეიძლება იყოს მათთვის სასურველი მომსახურება.
ეს არის შანსი, შეიმუშავოთ კონკურენტუნარიანი, გააზრებული შეთავაზებები (უფასო და ფასიანი), რომელიც აგრძნობინებს მომხმარებელს, რომ თქვენ მათზე ფიქრობთ და ზრუნავთ.
-
იყავით მეტად ორგანიზებულნი
იყავით გულწრფელი: გაიხსენეთ ბოლო რამდენიმე წლის განმავლობაში რამდენჯერ გითქვამთ საკუთარი თავისთვის, “ჩვენ გვჭირდება ორგანიზებულობა.“
მიმდინარე მოვლენები გთავაზობთ იმ საჭირო დროს, რათა მოაწესრიგოთ თქვენი პროცედურები. იპოვეთ ის ადგილები, სადაც სამუშაო ტემპი ეცემა ან სადაც მეტ თანხას ხარჯავთ.
შეაფასეთ სიღრმისეულად, თუ როგორ მუშაობს თქვენი ბიზნესი. ყურადღება მიაქციეთ ყველა დაბრკოლებას, რომელიც წინ გეღობებათ წარამატებისკენ მიმავალ გზაზე.
ორგანიზებულობა დაზოგავს თქვენს დროს მომავალში და დაგეხმარებათ თქვენი ბიზნესის ფინანსური მდგომარეობის უკეთ გაკონტროლებაში, რისი საშუალებითაც შეგეძლებათ დაზოგოთ ფული გრძელვადიან პერსპექტივაში.
-
განაახლეთ თქვენი მარკეტინგის სტრატეგია
რაც რამდენიმე თვის წინ მუშაობდა, შეიძლება ახლა აქტუალური აღარ იყოს. ის მარკეტინგული სტრატეგია, რომელზეც კვირების განმავლობაში მუშაობდით, შესაძლოა შეუფერებელი იყოს მიმდინარე მოვლენებისთვის. თქვენსავით, მომხმარებლებიც უყურებენ რადიკალურად ახალ რეალობას.
ისინი მსჯელობენ იმის შესახებ, რომ მათ მოუწევთ ცხოვრების სტილის და პრიორიტეტების ხელახლა განსაზღვრა – არა მხოლოდ პანდემიის დროს, არამედ მის შემდეგაც.
რა გზები არსებობს, რომლითაც შეგიძლიათ შეიმუშაოთ თქვენი სტრატეგია, რათა მოერგოთ ამ ახალ რეალობას?
შესთავაზეთ უფრო გრძელი გადახდის პირობები. ეს შეიძლება დაეხმაროს იმ ადამიანებს, რომლებსაც გარკვეული პრობლემები აქვთ ბიუჯეტთან მიმართებაში, მაგრამ ნამდვილად სურთ თქვენთან თანამშრომლობა.
შესთავაზეთ შედარებით იაფი ან უფასო საცდელი ვერსია. ეს შეიძლება იყოს შესანიშნავი გზა ახალი მომხმარებლების მოსაზიდად, რომლებიც დაინტერესებულნი არიან, მაგრამ სიფრთხილით ეკიდებიან საკუთარ ბიუჯეტს.
ეს პროცესი საშუალებას გაძლევთ აჩვენოთ თქვენი შეთავაზების სარგებელი, რათა დარწმუნებულნი იყვნენ, რომ ფულს დახარჯავენ გონივრულად.
შესთავაზეთ ვირტუალური დახმარება. მცირე კრეატიულობით, თქვენ შეძლებთ მომხმარებლებს შესთავაზოთ თქვენი სერვისები ონლაინ რეჟიმში. ექიმები, მუსიკის მასწავლებლები, თერაპევტები, მწვრთნელები პაციენტებს ამჟამად ონლაინ უკავშირდებიან.
ამ სამი ნაბიჯით და ინოვაციებით, წარმატებით შეგიძლიათ მართოთ თქვენი ბიზნესი და კიდევ უფრო გაძლიერდეთ.
ასევე იხილეთ საინტერესო ბლოგები: 4 ბიზნეს ტენდენცია, რომელიც მნიშვნელოვანია 2020 წელს | ფასების ზრდის მართებული გზა