ბიზნესის სამყაროში მნიშვნელოვანია კონკურენტუნარიანობა, ამისათვის საუკეთესო გზა ისეთ სიახლეებზე ყურადღების გამახვილებაა, როგორიცაა ბიზნეს ტენდენცია.
მათი მეშვეობით თქვენ შექმნით ახალ შესაძლებლობებს.
-
დასაქმებულთა ჯანმრთელობა და კეთილდღეობა უნდა იქცეს პრიორიტეტად
პანდემიის დროს, ბევრი ჩვენგანი გამოწვევების წინაშე დგას. ახლა შესაფერისი დროა იმისათვის, რომ ყურადღება თანაგუნდელების ჯანმრთელობაზე გავამახვილოთ. ეჭვგარეშეა, რომ ეს ტენდენცია გაგრძელდება მთელი წლის განმავლობაში და უფრო დიდხანს.
ჩატარებულმა კვლევებმა დაადგინა, რომ თანამშრომლების ჯანმრთელობასა და კეთილდღეობაზე ინვესტიციამ შეიძლება შეინარჩუნოს მათი ჩართულობა, მოტივაცია და პროდუქტიულობა. იგი ასევე დადებითად იმოქმედებს თქვენი ბიზნესის საბოლოო შედეგზე.
ყველაზე მნიშვნელოვანი ეს არის თქვენი თანამშრომლებისთვის სახლიდან მუშაობის შესაძლებლობა, სოციალური დისტანციის დამთავრების შემდეგაც.
თუ ეს შეუძლებელია, მაშინ შესთავაზეთ უფრო მოქნილი სამუშაო გრაფიკი, რათა მათ შეეძლოთ ოჯახის წევრებთან მეტი დროის გატარება.
-
AI გააგრძელებს ბიზნესის სამყაროს შეცვლას
ხელოვნურმა ინტელექტმა (AI) უკვე შეცვალა სამყარო. ის შეიძლება გამოყენებულ იქნას კიბერ-თავდასხმების შესაჩერებლად და თქვენი თანამშრომლების სამუშაო გრაფიკის დაგეგმვაში.
განსაკუთრებით იმ შემთხვევაში, თუ ისინი ხშირად იცვლიან სამუშაო ადგილებს ან პროექტებს. AI ასევე დაგეხმარებათ შეხვედრებისა და მონაცემების ორგანიზებაში.
ამის გარდა, ტექნოლოგიას შეუძლია ერთფეროვანი და განმეორებადი დავალებების ავტომატიზაცია, დაგეხმაროთ დაქირავების პროცესში და გააუმჯობესოს თქვენი ანალიტიკა. ასე რომ, მისი მეშვეობით თქვენ შეგიძლიათ შეიძინოთ კონკურენტული უპირატესობა.
-
მობილურ მარკეტინგს გამოიყენებენ უფრო შემოქმედებითად
მობილურის პოპულარობა შეგიძლიათ გამოიყენოთ იმაში, რომ გეოგრაფიულად მიზნობრივ აუდიტორიას მიაწოდოთ თქვენი რეკლამები, რომლებიც მეტად ახლოს არიან თქვენს ბიზნესთან.
კიდევ ერთი ვარიანტია შექმნათ აპლიკაცია, რომელიც საშუალებას მოგცემთ გაუზიაროთ აქციები და განახლებები თქვენს მომხმარებლებს.
ასევე შეგიძლიათ გამოიყენოთ SMS ან ტექსტური მარკეტინგი, რომ შეინარჩუნოთ კავშირის თქვენს მომხმარებლებთან. ამას გარდა, შეგიძლიათ შესთავაზოთ მათ მობილური გადახდები.
ამავდროულად, შეგიძლიათ გამოიყენოთ სმარტფონები თქვენი კომპანიის სოციალური გვერდებიდან პირდაპირი ჩართვების ორგანიზებისათვის. ეს დაეხმარება თქვენს ბიზნეს აუდიტორიის გაფართოებაში.
-
ნაღდი ანგარიშსწორების შემცირება
ნაღდი ოპერაციების რიცხვი დღითიდღე უფრო და უფრო მცირდება, განსაკუთრებით კი პანდემიის პერიოდში. თუმცა ეს არ ნიშნავს რომ არ არსებობს გამოწვევები.
მაშინაც კი, თუ თქვენ ფლობთ ელექტრონული კომერციის ვებგვერდს, შეიძლება გსურთ გააფართოვოთ თქვენი გადახდის მეთოდის პარამეტრები, გადახდის ანაზღაურების მიღებით Amazon Pay, PayPal, Google Pay, Apple Pay, Square, Stripe საშუალებით.
ცვლილებები გარდაუვალია, მაგრამ ეს არ ნიშნავს იმას, რომ ისინი ცუდია. მიუხედავად იმისა, რომ ყველა ეს ტენდენცია შეიძლება არ იყოს თქვენი ბიზნესისათვის მომგებიანი, თითოეული მათგანი ღირს შესწავლად, თუ გსურთ დაინახოთ წინსვლა – როგორც მოკლევადიან, ისე გრძელვადიან პერსპექტივაში.
ასევე იხილეთ საინტერესო ბლოგები: რა სარგებლობა მოაქვს ხელოვნურ ინტელექტს | 3 ბიზნეს ნაბიჯი, რომელიც ეკონომიკის გამოცოცხლებამდე უნდა გადადგათ