ბიზნესის განვითარებას ხელს უწყობს ტექნოლოგიები, რომლებიც აფართოებენ მონაცემების შეგროვებისა და ანალიზის მეთოდებს.
კომპანიები რეგულარულად იღებენ, ინახავენ და აანალიზებენ რაოდენობრივ და თვისებრივ მონაცემებს.
ეს ყველაფერი კი ეხმარება მათ უფრო მეტი ინფორმაცია ქონდეთ,რათა გადადგან სწორი ნაბიჯები და მიაწოდონ მომხმარებლებს გაუმჯობესებული სერვისი თუ მომსახურება. რომელიც, კომპანიების დიდმა ნაწილმა, როგორც ბიზნეს მოდელი ისე ჩამოაყალიბა.
მომხმარებელთა მონაცემების სახეები
მომხმარებელთა მონაცემები შეიძლება დაიყოს ოთხ კატეგორიად:
- პერსონალური მონაცემები – ამ კატეგორიაში შედის სქესი, პირადი ნომერი, IP მისამართი და ა.შ.
- ჩართულობის მონაცემები – ამ შემთხვევაში დეტალურადაა აღწერილი, თუ რამდენად იყენებენ მომხმარებლები კომპანიის ვებ-გვერდს, მობილურ პროგრამებს, სოციალური მედიის გვერდებს, ელექტრონულ ფოსტას და ა.შ.
- ქცევითი მონაცემები – აქ შედის ისეთი დეტალები, როგორებიცაა შეძენის ისტორიები, პროდუქტის გამოყენების ინფორმაცია (მაგ. განმეორებითი მოქმედებები) და თვისობრივი მონაცემები (მაგ., მაუსის მოძრაობის შესახებ ინფორმაცია).
- დამოკიდებულების მონაცემები – მოიცავს მომხმარებელთა კმაყოფილების, შეძენის კრიტერიუმების, პროდუქტის სასურველობის შესახებ ინფორმაციას და ა.შ.
როგორ გროვდება მომხმარებლების პირადი მონაცემები?
კომპანიები მონაცემთა შეგროვების მრავალ მეთოდს იყენებენ. ყველაზე ხშირად კი ვებ-გვერდებსა და სოციალურ მედიას, თუმცა ასევე არსებობს უფრო საინტერესო მეთოდებიც.
ერთ-ერთი მაგალითია ადგილმდებარეობაზე დაფუძნებული რეკლამა, რომელიც იყენებს ისეთ ტექნოლოგიებს, როგორიცაა ინტერნეტთან დაკავშირებული მოწყობილობის IP მისამართი. იგი განკუთვნილია მონაცემების პერსონალიზებული პროფილის შესაქმნელად.
კომპანიები ასევე იკვლევენ თავიანთი სამომხმარებლო მომსახურების ჩანაწერებს, რომ ნახონ თუ როგორ ურთიერთობდნენ მომხმარებლები გაყიდვებისა თუ სხვა განყოფილებებთან. აქ მოცემულია პირდაპირი კავშირი იმის შესახებ, თუ რა მოსწონდათ მათ და რა, არა.
ბიზნესის მიზნებისათვის ინფორმაციის შეგროვების გარდა, კომპანიები, რომლებიც პირად ინფორმაციას და სხვა მონაცემებს თანხის სანაცვლოდ გადასცემენ მესამე მხარეს, ჩვეულებრივი მოვლენა გახდა.
მონაცემების ცოდნად გადაქცევა
დიდი რაოდენობით მონაცემების დაუფლება ქმნის პრობლემას, თუ როგორ უნდა მოხდეს მათი დალაგება და გაანალიზება.
სწორედ ამ საკითხს, კომპიუტერული პროგრამები უფრო სწრაფად და ეფექტურად აგვარებენ, ვიდრე ადამიანები, და მათ შეუძლიათ ეს გააკეთონ შესვენების გარეშე.
მონაცემთა ანალიტიკა ციფრულ ტექნოლოგიები კიდევ უფრო მნიშვნელოვანი დარგი ხდება. ხელოვნური ინტელექტის (AI)- ს ზოგიერთი ტექნოლოგია ეძებს ხარვეზებს და სთავაზობს კომპანიებს მათი მოგვარების სხვადასხვა გზებს.
მსგავსი პროგრამების გარეშე, მსოფლიოში არსებული მონაცემების შეგროვება შესაძლოა უსარგებლო ყოფილიყო.
ასევე იხილეთ საინტერესო ბლოგები: რატომ გჭირდებათ მომხმარებელთან ურთიერთობის მართვის სისტემა | 5 გზა სამომხმარებლო სერვისისა და გაყიდვების გასაუმჯობესებლად