რა არის სერვისის აუდიტი?
სერვისის აუდიტი წარმოადგენს გამოკვლევას, თუ რამდენად ეფექტურად მუშაობს კომპანიის ესა თუ ის სერვისი, რა ხარვეზები და პოტენციალი აქვს მას, რამდენად კონკურენტუნარიანია ბაზარზე და შეუძლია თუ არა მყარი პოზიციების დაკავება.
მომხმარებელთან ურთიერთობა ნებისმიერ ინდუსტრიაში არსებული კომპანიისათვის უმნიშვნელოვანესია. სექტორის მიხედვით განსხვავებულია ბიზნესის ურთიერთობის ფორმა მომხმარებლებთან. მაგალითად, საოჯახო სასტუმროს თანამშრომლებს უფრო მეტი ინტერაქცია აქვთ სტუმრებთან, ვიდრე დიდი მაღაზიათა ქსელის კონსულტანტებს. შესაბამისად, მომხმარებლებთან ურთიერთობის შეფასების მექანიზმები განსხვავდება ინდუსტრიისა და კომპანიის სიდიდის მიხედვით. განსხვავებების მიუხედავად, ერთი რამ ცხადია – ნებისმიერმა კომპანიამ პერიოდულად უნდა ჩაატაროს შეთავაზებული სერვისის დეტალური კვლევა და გამოავლინოს მისი ეფექტიანობის დონე.
სერვისის აუდიტი არის გაწეული მომსახურების მონიტორინგი, მისი შეფასება და შემდგომი ნაბიჯების დაგეგმვა, რათა გაიზარდოს კმაყოფილი კლიენტის რაოდენობა და კომპანიის გაყიდვები. სერვისის აუდიტი მოიცავს პროცედურების ერთობლიობას, რომლებსაც კომპანია გარკვეულ პერიოდში ერთხელ ატარებს, რათა ზუსტი სურათი მიიღოს შეთავაზებული მომსახურების შესახებ.
სერვისის აუდიტი იკვლევს გაყიდვების წარმომადგენლების კომპეტენტურობის დონეს და მომხმარებლის მიერ მიღებულ გამოცდილებას. აუდიტის შედეგად, კომპანია მიიღებს ინფორმაციას იმის შესახებ თუ რამდენად სწორად არის შერჩეული გაყიდვების არხები, რა წინაღობა ექმნება მომხმარებელს კომპანიასთან ურთიერთობისას, საშუალოდ რა დრო იხარჯება ერთი კლიენტის მომსახურებაზე და რა სიხშირით გამოთქვამენ მომხმარებლები უკმაყოფილებას. ამ მონაცემებზე დაყრდნობით, კომპანიას აქვს საშუალება გააუმჯობესოს სერვისის დონე და გაზარდოს გაყიდვები.
მისტიური მომხმარებელი
კომპანია AGIC სერვისის აუდიტის პროცესში იყენებს მისტიურ მომხმარებლებს, რათა გაზარდოს აღნიშნული სერვისის ხარისხი და ეფექტურობა. მისტიური მომხმარებელი არის ადამიანი, რომელიც აფასებს კომპანიის სერვისს მაღაზიაში სტუმრობის, სატელეფონო ზარის ან სხვა საკომუნიკაციო საშუალების შედეგად. მისტიურ მომხმარებლებს წინასწარ აქვთ განსაზღვრული კონკრეტულად რომელი კომპონენტებით უნდა შეაფასონ კომპანიის წარმომადგენლები და ერთი შეხედვით რიგითი კლიენტები არიან.
სერვისის ხარისხიანი აუდიტის შედეგად, კომპანიას შეუძლია მიიღოს მნიშვნელოვანი ინფორმაცია მის მიერ შეთავაზებულ პროდუქტსა თუ სერვისზე, მიღებული ინფორმაცია კი გამოიყენოს კომპანიის განვითარების მიზნით. საკონსულტაციო კომპანია AGIC ატარებს სერვისის აუდიტს სხვადასხვა ინდუსტრიაში მოღვაწე კომპანიებისათვის. სერვისის შესახებ დეტალური ინფორმაციისათვის, გადადით ბმულზე.
ასევე იხილეთ საინტერესო ბლოგები: აუდიტის პროცესები | როგორ ჩავატაროთ ინფორმაციული ტექნოლოგიების აუდიტი
დამატებითი ინფორმაციისათვის, დანიშნეთ ონლაინ კონსულტაცია ან დაგვიკავშირდით:
ტელეფონი: (995 322) 500 130
მობ: (995 599) 34 33 48
ელ–ფოსტა: info@agic.ge
მისამართი: 0171, პ. ქავთარაძე #10, I შესახვევი, სართული 4, თბილისი, საქართველო