ადრეული და სკოლამდელი განათლების კვლევა საქართველოში

კვლევა მოიცავს 14 ადრეულ და სკოლამდელ დაწესებულებას, მათ შორის სკოლებსაც, რომლებსაც საბავშვო ბაღები აქვთ. გაანალიზებული დაწესებულებების ჯამური ბრუნვა 33 მლნ ლარს აღემატება, აქტივების ჯამი 56 მლნ ლარია, ხოლო მოგება დაბეგვრამდე 4.5 მლნ ლარს აღწევს. საშუალო უკუგება აქტივებზე (ROA) 8%-ს, ხოლო კაპიტალზე (ROE) 14%-ს შეადგენს. რეპორტი ასევე მიმოიხილავს ადრეული და სკოლამდელი დაწესებულებების რაოდენობისა და აღსაზრდელების დინამიკას, რეგიონულ განაწილებას და აღმზრდელ-პედაგოგების რაოდენობას. კვლევა წარმოადგენს ისტორიულ სექტორულ ბენჩმარკს და შეიძლება გამოყენებულ იქნას განათლების სფეროს ორგანიზაციების, ინვესტორებისა და მენეჯერების მიერ სექტორის მასშტაბისა და ფინანსური პროფილის შესაფასებლად.