საქართველოს სადისტრიბუციო კომპანიების ინდუსტრიის კვლევა

კვლევა მოიცავს საქართველოში სადისტრიბუციო ინდუსტრიაში მოქმედ 20 კომპანიას, რომლებიც მიეკუთვნებიან პირველ, მეორე და მესამე ზომით კატეგორიებს. 2020 წლის მონაცემებით, გაანალიზებული კომპანიების ჯამური ბრუნვა 844 მილიონ ლარს აღემატება, ხოლო აქტივების ჯამი 338 მილიონ ლარს შეადგენს. ინდუსტრიის საშუალო მოგება აქტივებზე (ROA) 19%-ია, ხოლო მოგება კაპიტალზე (ROE) - 30%. კვლევა ასევე მიმოიხილავს საბითუმო ვაჭრობის უფრო ფართო ბაზარს, მათ შორის ბრუნვისა და დამატებული ღირებულების დინამიკას, დასაქმებას, შრომის ანაზღაურებას, შრომით დანახარჯებსა და ფიქსირებულ აქტივებში ინვესტიციებს. რეპორტი წარმოადგენს ისტორიულ სექტორულ ბენჩმარკს და შეიძლება გამოყენებულ იქნეს სადისტრიბუციო და საბითუმო ვაჭრობის სფეროში მოქმედი კომპანიების ფინანსური პროფილისა და დარგობრივი მაჩვენებლების შესადარებლად.