დღევანდელი ტენდენციების მიხედვით, მნიშვნელოვანია მიზნობრივ სეგმენტს სწორი პროდუქტი შევურჩიოთ. მაგალითად: ერთ-ერთი მომხმარებელი მოტივირებულია შეიძინოს პერანგი, პროდუქტის მოსაძებნად გამოიყენებს ვებგვერდს ან სხვა საძიებო სისტემებს. ამის ცოდნა დაგეხმარებათ გაიგოთ სად და როგორ დაამყაროთ კომუნიკაცია თქვენს მომხმარებლებთან. კონკრეტული სეგმენტის ყურადღების მისაქცევად ძალიან მნიშვნელოვანია ვებგვერდი, რომელზეც განთავსებულია თქვენი პროდუქტი. მათ არ აინტერესებთ თქვენი კომპანიის ფილოსოფია, უფრო მნიშვნელოვანია პროდუქტი, რომელიც მარტივად უნდა იყოს ხელმისაწვდომი.
მოდის ტენდენციების გავლენა მომხმარებელზე
მოდის ინდუსტრიისთვის კარგი სიახლეა ის, რომ ადამიანთა გარკვეული ნაწილი პროდუქტის ყიდვის დროს მოდის ამჟამინდელ ტენდენციებს დიდ ყურადღებას აქცევს.
კვლევის თანახმად, ახალი ონლაინ მომხმარებლების დაახლოებით 30% ძიებას ტანსაცმლითა და ფეხსაცმლით იწყებს.
პროდუქტებს, რომლებსაც ხედავთ ონლაინ შოპინგის დროს, არაფრით განსხვავდება მოლში არსებულისაგან. ელექტრონული კომერციისა და მოდის ერთდროული მუშაობა ბევრად ეფექტურია.
აღსანიშნავია ის ფაქტი, რომ პროდუქტების 85% – ის ძიება google-ით ან amazon-ით იწყება. ამ მხრივ, კომპანიას უნდა უღირდეს ინვესტიციის ჩადება, რათა მომხმარებელთათვის ადვილად ხელმისაწვდომი გახდეს.
ამ ეტაპის შემდეგ, შეგიძლიათ საკუთარ გამოცდილებაზე დაყრდნობით პროდუქტის შეთავაზების ფორმა მოიფიქროთ.
კვლევის თანახმად, მომხმარებლის არჩევანზე 43% – ით გავლენას ახდენს მსგავსი პროდუქტის შესყიდვების რაოდენობა და 75% – ით მომხმარებელთა აზრი.
ადამიანებს სურთ ის, რისთვისაც იხდიან
ონლაინ შესყიდვის დროს, მომხმარებელი მოტივირებულია სურათზე ნაჩვენები პროდუქტის შესაძენად. თუ ის მის მოლოდინს არ გაამართლებს, თავს მოტყუებულად იგრძნობს.
ერთ-ერთი უპირატესობა კი, პროდუქტის უკან დაბრუნების შესაძლებლობაა, რომელიც მომხმარებლის უკანასკნელი ბარიერია. სტატისტიკურ მონაცემებზე დაყრდნობით 15-დან 40 პროცენტამდე პროდუქტი ბრუნდება უკან, რაც დაახლოებით 400 მილიარდი დოლარის ღირებულების ინვენტარია.
პროდუქტის უკან დაბრუნების მრავალი მიზეზი არსებობს. ეს შეიძლება იყოს არასწორი ზომა ან ვიზუალი, ფერი, სიგრძე და ა.შ. არ არსებობს პროდუქტის დაბრუნების აღმოფხვრის გზა.
გაურკვევლობები ყოველთვის იარსებებს, თუმცა ჩვენ ისინი უნდა შევამციროთ ან პრობლემის აღმოჩენის შემთხვევაში ისეთი გზები მოვიფიქროთ, რომლებიც მომხმარებლის შენარჩუნებაში დაგვეხმარება.
მომხმარებლის არჩევანზე გავლენის მოხდენა
მომხმარებლებს უყვართ გადაწყვეტილებების დამოუკიდებლად მიღება. თქვენგან პირდაპირი რჩევის მოსმენის ნაცვლად, საკუთარი გადაწყვეტილების დამოწმება სურთ.
ავტორიტეტული ადამიანები მომხმარებლის არჩევანზე დაახლოებით 84% – ით ახდენენ გავლენას. ხალხი ყიდულობს იმას, რასაც თვლის მოდურად.
მაგრამ როგორ შეუძლიათ იმის გაგება თუ რა არის მოდური? ისინი ცნობილ ადამიანებზე ან მათთვის ავტორიტეტულ პიროვნებებზე დაკვირვებით იქმნიან გარკვეულ შთაბეჭდილებას.
მოდის ინდუსტრიის განვითარება
მომხმარებლებისთვის კარგი ამბავი არის ის, რომ მაღაზიები პირველ რიგში სწრაფად ყიდიან თაროებზე განთავსებულ პროდუქტს.
ეს ახალი ტენდენცია, რომელსაც „fast fashion”-ს უწოდებენ, მომხმარებელს ტრენდულობის შენარჩუნებისა და პროდუქტის დაბალ ფასში შეძენის საშუალებას აძლევს.
ტანსაცმლის ინდუსტრიის საბაზრო წილი, სავარაუდოდ, 2020 წელს $ 1.65 ტრილიონი იქნება. მოდის ინდუსტრია არ გაიზრდება სწრაფად, თუ ყურადღებას მხოლოდ მაღალ სეგმენტზე გავამახვილებთ.
მოდის ინდუსტრია განვითარდება, თუ პროდუქტი იქნება უფრო ხელმისაწვდომი, რომელიც საშუალებას მისცემს ნებისმიერ ადამიანს, ნებისმიერ დროს შეიძინოს მისთვის სასურველი პროდუქტი.
ასევე იხილეთ საინტერესო ბლოგები: რატომ გჭირდებათ მომხმარებელთან ურთიერთობის მართვის სისტემა | 5 გზა სამომხმარებლო სერვისისა და გაყიდვების გასაუმჯობესებლად