ამჟამად დისტანციური მუშაობა უბრალო ტენდენცია კი არა, აუცილებლობაა მთელი მსოფლიოს მასშტაბით არსებითი კომპანიებისთვის. ისინი დისტანციური გუნდის მართვაზე გადავიდნენ.
როგორც კომპანიისთვის, მენეჯერის ან გუნდის ხელმძღვანელისთვის,
თუ მოულოდნელად გუნდის დისტანციურ მართვაზე გადახვედით, ეს შეიძლება თავდაპირველად რთული ამოცანა აღმოჩნდეს, ამიტომ ეს რჩევები დაგეხმარებათ არსებულ სიტუაციასთან უკეთ გამკლავებაში.
ყოველდღიური შემოწმება
როდესაც შესაძლებელია, ეს უნდა მოხდეს პირისპირ, ვიდეოს საშუალებით. თქვენმა გუნდმა უნდა დაგინახოთ, თქვენ კი მათი დანახვა უნდა შეგეძლოთ.
კარგი ამბავი ის არის, რომ სერვისები, როგორიცაა Zoom ან Google-ის Team Hangouts, ამარტივებს ყოველივე ამას. მიზანი მარტივია – დანიშნეთ დღის წესრიგი და მიაწოდეთ თქვენი გუნდის წევრებს მათთვის საჭირო რესურსები.
იკონტაქტეთ მეტი
ეს არ ნიშნავს იმას, რომ თქვენს გუნდთან განუწყვეტლივ კომუნიკაციაში უნდა იყოთ. სახლიდან მუშაობის ერთ – ერთი ყველაზე რთული საკითხი, განსაკუთრებით, თუ ოფისის გარემოში ხართ მიჩვეული, არის იზოლაცია და მარტოობის გრძნობა.
ისარგებლეთ ტექნოლოგიებით
თქვენი, როგორც მენეჯერის, სამუშაოა გუნდთან კავშირის უზრუნველყოფა. საკომუნიკაციო საშუალებები მარტივი გზაა ყველასთან დასაკავშირებლად.
ელ.ფოსტის და ტექსტური შეტყობინებების გარდა, შეგიძლიათ გამოიყენოთ ისეთი ინსტრუმენტები, როგორიცაა Slack ან Microsoft Teams, რომლებიც ბევრად უკეთესია თანამშრომლებს შორის კომუნიკაციისთვის.
მოლოდინების მართვა
დაეხმარეთ თქვენს გუნდს იმის გარკვევაში, თუ რა უნდა გააკეთონ იმისათვის, რათა შექმნან რეალისტური მოლოდინები თავიანთი სამუშაოსთვის.
წარმართეთ წარმატებისკენ როგორც საკუთარი თავი, ასევე თქვენი გუნდი, ნათლად ჩამოაყალიბეთ დავალებები და ასევე მათი გამომწვევი მიზეზები, და დაეხმარეთ თქვენს გუნდს იმის გარკვევაში, თუ როგორ აფასებთ წარმატებას.
ეს ნიშნავს, რომ თქვენი გუნდისთვის განსაზღვროთ თითოეული ამოცანის ან პროექტის ვადები, მიწოდება და ა.შ.
წინააღმდეგ შემთხვევაში, არ გაგიკვირდეთ, თუ რამდენიმე კვირის შემდეგ დაინტერესდებით თუ რას აკეთებენ სხვები.
ყურადღება გაამახვილეთ შედეგებზე და არა აქტიურობაზე
შეუძლებელია დისტანციური გუნდის მიერ შესრულებული სამუშაოს ყველა ასპექტის მართვა.
რაც არ უნდა იყოს, არ შეეცადოთ მართოთ გუნდის მუშაობის ყველა ასპექტი, განსაკუთრებით მაშინ, როდესაც თქვენი გუნდი სხვადასხვა ლოკაციებზე ნაწილდება.
იმის ნაცვლად, რომ ყურადღება გაამახვილოთ საქმიანობაზე ან სამუშაო საათებზე, შესაბამისად შეაფასეთ თქვენი გუნდი და მათი საქმიანობის შედეგები.
თქვენი გუნდის რესურსები
დარწმუნდით, რომ თქვენს გუნდს, სამუშაოს შესასრულებლად აქვს ყველა საჭირო ტექნოლოგია.
თუ მოულოდნელად დაგჭირდათ დისტანციურ გუნდთთან მუშაობა, ეს ნიშნავს, თქვენ უნდა უზრუნველფოთ მათთვის საჭირო კომპიუტერები, პროგრამები, მობილური მოწყობილობები, ან თუნდაც მაღალსიჩქარიანი ინტერნეტი.
არ არის მიზანშეწონილი ვივარაუდოთ, რომ ყველას გააჩნია ზემოთ ჩამოთვლილი და თქვენი, როგორც მენეჯერის პასუხისმგებლობაა, დარწმუნდეთ, რომ მათ აქვთ ეს ყველაფერი.
იყავით მოქნილი
უნდა გესმოდეთ, რომ განსაკუთრებით ამ სიტუაციაში, თქვენი გუნდის თავს უამრავი რამ ხდება. ეს არ არის საბაბი იმისთვის, რომ საქმეები არ დაასრულონ, მაგრამ ეს არის იმის მიზეზი, რათა გადახედოთ თუ რას ნიშნავს პროდუქტიულობა.
ენდეთ თქვენს გუნდს და მიეცით მათ თავისუფლება და მოქნილობა სამუშაოს შესრულებაში იმ გრაფიკის მიხედვით, რომელიც მათ დაეხმარება იყვნენ ყველაზე პროდუქტიული.
გრძელვადიან პერსპექტივაში, ეს ძალიან კარგია თქვენი გუნდისთვის.
ასევე იხილეთ საინტერესო ბლოგები: კომუნიკაციის სტრატეგია COVID-19-ის დროს | 5 გზა როგორ მართოთ თქვენი გუნდი სოციალური დისტანციისას