შესაძლოა დასაწყისში გუნდს ყოველთვის არ ჰქონდეს დასახული მიზნები. განსაკუთრებით მაშინ, როდესაც გუნდი იმდენად პატარაა, რომ ყველამ იცის ვინ რას აკეთებს. მიზნების დასახვის გარეშე წარმოუდგენელია კომპანიის ზრდა.
როგორც ლიდერმა, რთულია განსაზღვრო კომპანიის მიზნები, როდესაც შენი პირადი მიზნები არ შეესაბამება მას.
სტატიაში ჩამოთვლილია, თუ როგორ უნდა მოხდეს პირადი მიზნების კომპანიის მიზნებთან თანხვედრა:
გაანალიზეთ კომპანიის მიზნები
ყველა ბიზნესს სჭირდება ჩამოყალიბებული მიზნების ჩამონათვალი კომპანიისათვის, რათა გუნდის წევრებს ჰქონდეთ საშუალება, განსაზღვრონ პირადი მიზნები.
მაგალითად, თუ დიზაინერთა გუნდის მიზანია, რომ ძველი პროცენტული მაჩვენებლები დაიბრუნონ შემდეგი წლისთვის, მათი ინდივიდუალური მიზნები შეიძლება იყოს გზის პოვნა, თუ როგორ დაიბრუნონ ძველი მაჩვენებელი.
იდეალური შემთხვევაში, რომ გუნდის ყველა წევრს უნდა შეეძლოს ინდივიდუალური მიზნების გზების მოძიება, რომელიც მომავალში კომპანიის უფრო ფართო მიზნებს შეუერთდება.
პირადი მიზნების შეთანხმება მენეჯერთან
არსებობს სიტუაცია, როდესაც ხვდებით რომ თქვენი მიზნები კომპანიის საერთო მიზნებთან შეუთავსებლობაშია:
საქმე, რასაც აკეთებთ, შეიძლება კომპანიისთვის მნიშვნელოვანი და სასარგებლო იყოს, მაგრამ არ იყოს კომპანიის მიზნების ჩამონათვალში.
ასეთ შემთხვევაში თქვენ კომუნიკაცია უნდა გქონდეთ თქვენს მენეჯერთან, რათა დარწმუნდეთ, იმ საქმის მართებულობაში, რასაც აკეთებბთ. თუ ხელმძღვანელობამ ინტერესი არ გამოიჩინა თქვენს მიერ შესრულებულ სამუშაოზე, ხმა უნდა აიმაღლოთ და წინ წამოწიოთ ეს საკითხი.
არის შემთხვევა, როდესაც მიზანი კომპანიის პრიორიტეტს არ წარმოადგენს. ასეთ დროს, თქვენ უნდა დაელაპარაკოთ თქვენს მენეჯერს პროექტის ეფექტურობაზე, რათა დარწმუნდეთ, რომ მისი განხორციელება უზრუნველყოს კომპანიის განვითარებას, წარმატებას და შემდეგ ეტაპზე გადასვლას უფრო დიდი მიზნების მისაღწევად.
მიანიჭეთ კრიტერიუმები პირად მიზნებს
პროგრესის შესაფასებლად საჭიროა საძირკველი, რომ მიაღწიოთ წარმატებას. გაგიკვირდებათ, მაგრამ ძალიან ბევრი ადამიანი იწყებს მუშაობას ყოველგვარი საძირკველის გარეშე.
ეს, რა თქმა უნდა, არაეფექტური მიდგომაა, რაც თავის მხრივ უამრავ სირთულეს იწვევს მუშაობის პროცესში.
იმისათვის, რომ გაიგოთ, არსებობს თუ არა პრობლემა, უნდა იცოდეთ საიდან დაიწყოთ და სად გაჩერდეთ, წინააღმდეგ შემთხვევაში გაგიჭირდებათ მიზნის განსაზღვრა.
თქვენ უნდა შეგეძლოთ თქვენი პროგრესის შეფასება საბაზისო ინფორმაციაზე დაყრდნობით.
განეწყვეთ პოზიტიურად ცვლილებებისადმი
ალბათ ყველასათვის გასაგებია, რომ კომპანიის მიმართულება და ხედვა შეიძლება შეიცვალოს. იმ შემთხვევაში, თუ თქვენი სამუშაო კომპანიის მიზნებს აღარ ემთხვევა, ეს სისუსტე როდია, თქვენ უნდა კონცენტრირდეთ ცვლილებებზე და შესაბამისად მართოთ პირადი მიზნები.
ეს ნიშნავს, რომ თქვენ მოსინჯეთ რაღაც, ისწავლეთ და მზად ხართ მიიღოთ შემდეგი გამოწვევა.
მანამ, სანამ თქვენი სამუშაო თანხვედრაშია კომპანიის სტრატეგიასთან, თქვენ ყოველთვის იპოვით შესაძლებლობას განავითაროთ და ბოლომდე მიიყვანოთ თქვენი პირადი მიზნები.
ასევე იხილეთ საინტერესო ბლოგები: პარტნიორობა და პირადი ინტერესები | კრიტიკული აზროვნების როლი ბიზნესში