ადამიანებზე დიდ გავლენას ახდენს სხვისი აზრი და დამოკიდებულება, თუმცა ხშირად ამას ვერ ვაცნობიერებთ.
იმის დანახვა ან მოსმენა, რომ სხვას რაღაც მოსწონს, წარმოუდგენელ გავლენას ახდენს ჩვენს მიერ გადაწყვეტილების მიღებაზე. ამიტომაც არის
რეკომენდაციების გამოყენება სასარგებლო. სამწუხაროდ ახლა, როდესაც მიმოხილვები და რეკომენდაციები ყველგანაა, ძნელია შექმნათ ისეთი მათგანი, რომელიც ყველასგან გამოირჩევა.
თუ გსურთ გქონდეთ ეფექტური რეკომენდაციები, რომლებიც გავლენას მოახდენს თქვენი პოტენციური მომხმარებლების ქცევაზე, გაითვალისწინეთ შემდეგი რჩევები.
გამოიყენეთ იგი როგორც ფილმის თრეილერი
ფილმები სოციალური მტკიცებულებას იყენებენ სხვის მიერ ნათქვამი მოკლე ციტატების მეშვეობით.
როდესაც ფილმს აფასებენ ერთი სიტყვით, “ფანტასტიკური” “ეპიკური” “საოცარი” – ნაკლებად სავარაუდოა, რომ სრული ფილმი შეიძლება მხოლოდ ერთი სიტყვით აღიწეროს.
ეს ნიშნავს, რომ თრილერის შემქმნელებმა დარედაქტირეს იგი ისე, რომ მხოლოდ ამ სიტყვებით აღეწერათ იგი ადამიანებს.
შესაძლოა, “ფანტასტიკური” სრული წინადადებიდან გამომდინარეობს მაგალითად, “ეს ფილმი ფანტასტიკური იყო. ძალიან მომეწონა”.
სრული ციტატის გამოყენებით, საკვანძო სიტყვა ძალას კარგავს. ადამიანის ტვინი ძალიან ზარმაცია და იგი მათ სრული წინადადების წაკითხვის სურვილს დააკარგვინებს.
რეკომენდაციების გამოყენებისთვის შესაფერისი პლატფორმა
ერთი სიტყვით გადმოცემული რეკომენდაციები შესანიშნავია ვიდეოებისთვის, სოციალური ან ვებგვერდის სათაურებისთვის და ყველგან, სადაც გსურთ რომ სწრაფად მიიპყროთ ყურადღება,
სხვა შემთხვევებში, საჭიროა უფრო ვრცელი ინფორმაციის გამოყენება.
რა თქმა უნდა, მას ყველა შემთხვევაში დასჭირდება რედაქტირება, თუმცა მათთვის, ვინც დაინტერესდება თქვენი კომპანიის შესახებ დეტალური ინფორმაციით, სურვილი ექნება გაეცნოს სხვების აზრს, რომელიც უფრო მეტი ინფორმაციის მომცემი იქნება.
იფიქრეთ იმაზე, თუ როგორ არის შესაძლებელი ამ მეთოდის გამოყენებით სხვებს მოუწოდოთ მოქმედებისკენ.
რეკომენდატორის სახელის ან პოზიციის ხსენებამ შეიძლება ნეგატიური გავლენა იქონიოს
არ არის საჭირო, რომ ყველა რეკომენდაცია მიეწეროს კონკრეტულ ადამიანს. ჩაინიშნეთ მის შესახებ დეტალური ინფორმაცია იმ შემთხვევისთვის, თუ კი ვინმე დაინტერესდება. ზოგიერთ შემთხვევაში, ამ დეტალების გამჟღავნება შესაძლოა რეალურად უარყოფითიც კი იყოს.
ადამიანის ტვინზე დიდ გავლენას ახდენენ ის ადამიანები, რომლებსაც ვთვლით, რომ ჩვენ გვგვანან – ჩვენი ჯგუფის ნაწილი არიან.
როდესაც ადამიანებს აჩვენებთ, რომ ეს ციტატა ან რეკომენდაცია ეკუთვნის მის მსგავს ადამიანს, თუნდაც მცირე საწარმოს აღმასრულებელ დირექტორს, ეს დადებით გავლენას ახდენს მათ მიერ გადაწყვეტილების მიღებაზე.
როდესაც არ უთითებთ სახელს ან ბიზნესის ტიპს, ტვინი ამას აღარ აქცევს ყურადღებას, მათთვის მთავარია, რომ რეკომენდაცია ადამიანისგან მოდის – ჯგუფისგან, რომელსაც ყველა ჩვენგანი ვეკუთვნით და ეს ყველაზე მთავარია.
ასევე იხილეთ საინტერესო ბლოგები: 6 ჩვევა, რომელიც ზიანს აყენებს თქვენს კარიერულ განვითარებას | როგორ განვთავისუფლდეთ ემოციებისგან, გადაწყვეტილებების მიღებისას