Covid-19 ვირუსმა უდიდესი სისწრაფით შეცვალა სამუშაო გარემოს წყობა. ერთი კვირის განმავლობაში, თითქმის ყველა სექტორში არსებულმა დისტანციურად მუშაობის რეჟიმზე გადავიდა. ზოგიერთი ადამიანისთვის ეს საკმაოდ რთული შეიძლება აღმოჩნდეს.
უეცრად გარემოს რადიკალური შეცვლა, სადაც გიწევთ კარანტინში ყოფნა, მოწყვეტილი ხართ ადამიანებთან პირისპირ ურთიერთობას და ჩვეულ სამუშაო გარემოს.
ყველაფერს კი ემატება ასეთ პირობებში გუნდის მართვა, განსაკუთრებით მაშინ, როდესაც აქამდე ეს არასოდეს გიცდიათ.
მძიმე პირობები და გაურკვევლობა ამ ყველაფერს კიდევ უფრო ართულებს. კარანტინის პირობებში, მენეჯერის როლის ყველა ასპექტი რთულდება.
ამ სირთულეებთან გასამკლავებლად უნდა შეცვალოთ თქვენი მიდგომა შესრულებული სამუშაოს შედეგებისადმი და ადაპტირდეთ სამუშაოს ახალ კონტექსტზე.
შეცვალეთ თქვენი მიდგომა
გუნდების უმეტესობა მიჩვეულია ისეთ სამუშაო გარემოს, სადაც ისინი მუშაობენ ერთად, ერთ ოფისში, ერთ სამუშაო პირობებში და ერთი სამუშაო გრაფიკით. კარანტინში მენეჯერები უნდა დაეხმარონ თავიანთ გუნდებს ასინქრონულ მუშაობასა და პერსონალიზაციაში.
თქვენ უნდა შეცვალოთ მოლოდინი სამუშაოს შესრულებისადმი, სასურველია მისცეთ თქვენი გუნდის წევრებს უფლება, შეასრულონ სამუშაო მათთვის სასურველ დროსა და პირობებში. ეს ნიშნავს შედეგებზე ყურადღების გამახვილებასა და მათთვის მეტი მოქნილობის შეთავაზებას.
რეგულარული კომუნიკაცია
სოციომეტრული კვლევა ადასტურებს, რომ მოკლევადიანი კომუნიკაციები უფრო ეფექტურია ჩართულობის შენარჩუნებისათვის. გამოიყენეთ სწრაფი შეტყობინებები, რათა რეგულარულ კონტაქტში იყოთ.
დაადგინეთ ისეთი სამუშაოს მიმდინარეობის სტრუქტურა, სადაც ყველა იქნება ჩართული და არავინ დაიძვრენს თავს მისგან.
განაგრძეთ სწავლება
სწავლა არ უნდა შეწყდეს ახალ გარემოში, მაგრამ შეიძლება უფრო პრაქტიკული იყოს მათი შემცირება.
ყურადღება გაამახვილეთ მოკლე გაკვეთილების გაზიარებაზე, ხუთიდან 10 წუთამდე დროში. ეს შეიძლება მოიცავდეს კონკრეტულ ხელსაწყოს, ქცევას ან უნარს.
მიაწოდეთ ეს გაკვეთილები თქვენი გუნდის წევრებს და საშუალება მიეცით მათ, თავად აირჩიონ მათთვის სასურველი თემა.
შესაძლებელია სხვა გუნდის წევრს სთხოვოთ შესწავლილი საგნის განხილვა და მოკლე დისკუსია მოაწყოთ იმის შესახებ, რაც ყველამ შეისწავლა.
გამოიყენეთ ტონი და ხმა უკუკავშირისთვის
რთულია დაინახო ადამიანის ემოცია, როდესაც ვერ ხედავ მას. იმის მაგივრად, რომ დაეყრდნოთ არავერბალურ მონაცემებს და სხეულის ენას, ახლა ყურადღება უნდა მიაქციოთ ტექსტს, ხმას და იშვიათ ვიდეო კომუნიკაციებს.
ყურადღება მიაქციეთ წერითი კომუნიკაციის ტონს; ხმის კომუნიკაციის სიჩქარეს, მოცულობასა და ტონს; და ნებისმიერ ფიზიკურ ჟესტებებს ვიდეო კომუნიკაციაში.
თუ კარგად იცნობთ თქვენი გუნდის წევრებს, ამ შაბლონებში მომხდარი ცვლილებები დაგეხმარებათ დაადგინოთ, გუნდის წევრის დამატებითი დახმარების საჭიროება.
გაზარდეთ ოპტიმიზმი და გაანელეთ შიშის გრძნობა
ოპტიმიზმი გადამდებია. ლიდერები, რომლებიც მომავალს იმედით უყურებენ, უკეთესად გამოსდით თავიანთი გუნდის წევრების დახმარება, განსაკუთრებით სტრესულ პირობებში.
ასევე არ უნდა დაგვავიწყდეს იუმორი, როგორც სტრესის გამანეიტრალებელი ფაქტორი. გახსოვდეთ, რომ შიში ახშობს ინიციატივას, შემოქმედებითობას და ვალდებულების ნაცვლად იძლევა შესაბამისობას.
ადამიანები ჰიპერ-სოციალური არსებები არიან. მათი ფსიქოლოგიურ უსაფრთხოებას – სადაც ისინი თავს მნიშვნელოვნად და უსაფრთხოდ გრძნობენ, ყველაფერს შიშის, მორიდების ან დასჯის გრძნობის გარეშე აკეთებენ – გადამწყვეტი მნიშვნელობა აქვს კარანტინის პირობებშიც.
როდესაც ამ პირობებს შეუქმნით მათ, ამით საშუალებას მისცემთ, განაგრძონ სწავლა, მუშაობა და წვლილი შეიტანონ, ხოლო რაც ყველაზე მთავარია, ასეთ დროს, თქვენ აღიარებთ მათ ადამიანობას.
ასევე იხილეთ საინტერესო ბლოგები: კომუნიკაციის სტრატეგია COVID-19-ის დროს | ვირტუალური შეხვედრების წარმატების 3 წინაპირობა