კორონავირუსის პანდემიის გამო მცირე, თუ დიდი ბიზნესი ფინანსური თვალსაზრისით, გარკვეული დაბრკოლებების წინაშე აღმოჩნდა.
თუ რა საშუალებებით შეგიძლიათ შეამსუბუქოთ ამჟამინდელი ეკონომიკური მდგომარეობა, ამის შესახებ გაეცნობით სტატიაში.
თავიდან აირიდეთ უსარგებლო ხარჯები
ახლა არ არის ინვესტიციებში თანხის ჩადების დრო. დაზოგეთ ფული და გააკეთეთ ყველაფერი იმისათვის, რომ თავიდან აიცილოთ უსარგებლო ხარჯები.
ეს განსაკუთრებით ეხება საცალო ბიზნესს – მაგალითად, მაღაზიები, რესტორნები და ბარები. კრედიტორებმა შესაძლოა უფრო ნაკლებად იმოქმედონ ამ სახის ბიზნესებზე, რაც იმას ნიშნავს, რომ საჭიროა ხარჯების შემცირება, რათა მარტივად გაუმკლავდეთ არსებულ სიტუაციას.
მიიღეთ კადრებთან დაკავშირებით სწორი გადაწყვეტილებები
ფულადი ბალანსის გადახედვით შეგიძლიათ გაიგოთ თქვენი ბიზნესის ტემპერატურა. თუ რამდენი ხელფასის დაფინანსებას შეძლებთ შემოსავლის ამოწურვის შემთხვევაში.
თანამშრომლები თქვენი ყველაზე ძვირფასი აქტივია, მათი შემცირება შეიძლება გარდაუვალ დასკვნად მოგეჩვენოთ, თუმცა მაინც საჭიროა ალტერნატივების განხილვა.
ხელფასების შემცირებამდე დაფიქრდით, შეგიძლიათ თუ არა მათ ნაცვლად სამუშაო საათების შემცირება. ვინმესთვის თხოვნა, რომ იგივე დროის განმავლობაში უფრო ნაკლებ ხელფასზე იმუშაოს, ზრდის უკმაყოფილებას და ამცირებს პროდუქტიულობას.
ამ მიდგომას ექნება იგივე ფინანსური გავლენა, მაგრამ ხელს შეუწყობს უფრო პროდუქტიულ, შეთანხმებულ ცვლილებებზე გადასვლას. სამუშაო ძალის ხარჯების შემცირების სხვა გზები მოიცავს დამატებითი სამუშაოს აღმოფხვრას, პენსიაზე ნებაყოფლობით გასვლას და სრულ განაკვეთზე მომუშავე პერსონალის დროებით ნახევარ განაკვეთზე გადაყვანას.
მოლაპარაკება უკეთესი საგადასახადო პირობებისთვის
დაუკავშირდით თქვენს მომწოდებლებს ტელეფონით, რათა განიხილოთ ახალი გადახდის პირობები – განსაკუთრებით დიდ მოვაჭრეებთან, რომლების შემოსავლები გაცილებით მეტია, ვიდრე საშუალო ბაზრის კომპანიებისა.
შესაბამისად თქვენს საბანკო ანგარიშზე თანხა დამატებით 2 კვირის განმავლობაში შენარჩუნდება, რაც ასეთ სიტუაციაში ბევრის მთქმელია.
ფასდაკლებების განხილვის კიდევ ერთი ვარიანტი. თუ თქვენი მომწოდებელი არ გაახანგრძლივებს გადახდის პირობებს, იქნებ არის იმის შესაძლებლობა, რომ მცირე შეღავათი გაგიკეთოთ ადრე გადახდის შემთხვევაში.
მრავალ ინდუსტრიაში გავრცელებულია ერთ ან ორ პროცენტიანი ფასდაკლება გადახდაზე 30 დღის ნაცვლად 10 დღის განმავლობაში.
ყველა მომწოდებელი ვერ შეძლებს ამ თხოვნების დაკმაყოფილებას, მაგრამ მათ, ვინც ამ დათმობაზე მიდის, ესმით, რომ ეს არის გრძელვადიანი პარტნიორობის უზრუნველყოფისა და გაუქმებული ხელშეკრულების თავიდან აცილების გზა.
გადახდების შეგროვება
როდესაც ეკონომიკა ყვავის, ინვოისების რამდენიმე დღით დაგვიანება ყოველთვის არ არის ყურადღების ღირსი.
მაგრამ ახლა, ასეთი დრო არ არის, რადგან თანხას, რომელსაც ვერ იღებთ, სავარაუდოდ იღებს სხვა შემგროვებელი, რომელიც უფრო მომთხოვნია ასეთ საკითხებთან მიმართებაში.
შეახსენეთ კლიენტს იმ ჯარიმების შესახებ, რომელთა წინაშეც ისინი შეიძლება აღმოჩნდნენ, თქვენი კომპანიის პოლიტიკის შესაბამისად, დაგვიანებული გადახდების შესახებ.
პირდაპირი, ღია დისკუსიის მეშვეობით შეიძლება უკეთ გაეცნოთ იმ მიზეზებს, თუ რატომ დაგვიანდა გადახდა.
ეს მარტივად გაპოვნინებთ გამოსავალს, რათა მომავალში თავიდან აირიდოთ მსგავსი რამ.
ეკონომიკური კრიზისის დროს რთულია შეინარჩუნოთ თქვენი ბიზნესის გამართული ეკონომიკური მდგომარეობა, თუმცა ამის გაკეთება შესაძლებელია.
რეალისტური მიზნების დასახვა, ყველა გადაწყვეტილებასთან სიფრთხილით მიდგომა და თანამშრომლებთან და პარტნიორებთან ღიად და კეთილსინდისიერად კომუნიკაცია დაგეხმარებათ ყოველივე ამაში.
ასევე იხილეთ საინტერესო ბლოგები: კომპანიის ფინანსების მართვა | როგორ შევქმანთ რამდენიმე შემოსავლის წყარო თქვენი ბიზნესისათვის