როდესაც საქმე, რომელსაც აკეთებთ, თქვენთვის მნიშნელოვანი და სიხარულის მომგვრელია, ეს ყოველივე მოქმედებს პროდუქტიულობაზეც.
ამ დროს პირველ რიგში, აუცილებელია დარწმუნდეთ, რომ ძლიერი ემოციები და იმპულსები არ აფერხებს თქვენს კრიტიკულ აზროვნებას სამუშაო ადგილზე.
პროფესიონალებმა უნდა გამოიყენონ კრიტიკული აზროვნება ყველა ასპექტში, რათა თავიდან აიცილონ ისეთი შეცდომები, რომლებიც შემდგომში შესაძლოა ძვირად დაუჯდეთ.
კრიტიკული აზროვნება პრობლემის ეფექტურად გადაჭრის უნარია, რომელიც გულისხმობს საკითხის შესახებ ინფორმაციის შეგროვებას და შემდგომი იდეების შემუშავებას, რომლებიც მოიცავს სხვადასხვა პერსპექტივას და ინფორმაციის ლოგიკურად შეფასებას.
ეს ყოველივე კონცეფციის რთული განსაზღვრებაა, თუმცა რეალურად შეიძლება ისეთივე მარტივი ჩანდეს, როგორც უკან დახევა და სიტუაციის შეფასებაა, ნაცვლად კონფლიქტისა და პრობლემებზე ინსტინქტურად რეაგირებისა.
სათქმელად მარტივია, თუმცა რთულად შესასრულებელი.
კრიტიკულ აზროვნების სწავლება სამუშაო ადგილზე
თუ შეცდომები თანმიმდევრულად წარმოიშვება, პირველ რიგში საჭიროა გამოიკვლიოთ არის თუ არა ეს საკითხი კრიტიკული აზროვნების ნაკლებობით გამოწვეული.
ამის შემდეგ შეგიძლიათ მოიძიოთ ტრენინგები ან სასწავლო გეგმები, რაც შეიძლება უკეთ მოერგოს თქვენს ორგანიზაციას, რათა განავითაროთ კრიტიკული აზროვნება,
მაგალითისთვის დაიწყეთ კრიტიკული აზროვნების გამოყენება პრაქტიკაში, მცირე ზომის პრობლემებთან მიმართებაში, შემდეგ კი უფრო დიდ პრობლემებსაც გაუმკლავდებით.
კრიტიკული აზროვნება არის პრობლემების გადაჭრა, რაციონალური პროცესებზე და მტკიცებულებებზე დაფუძნებული ცოდნის მეშვეობით.
კრიტიკული აზროვნება მტკიცებულებებიდან გამომდინარე აყალიბებს არგუმენტებს და ამავდროულად გამოყოფს იმ პრობლემებსა და ვარაუდებს, რომლებიც შეიძლება წარმოიშვას საკითხის შეფასებისას.
ბიზნესის სამყაროში კრიტიკული აზროვნება ზოგავს არამარტო დროსა და ფულს, არამედ ასევე ხელს შეუწყობს თანამშრომლების უნარების განვითარებასაც.
კერძოდ კი დაეხმარება მათ კომუნიკაციაში, კრეატიულობაში, ანალიტიკურ აზროვნებაში, ემოციურ ინტელექტში და ზოგადად პრობლემების გადაჭრაში.
დაზოგეთ დრო და ფული კრიტიკული აზროვნებით
კრიტიკული აზროვნება ადამიანებს ეხმარება არა მხოლოდ უკეთესად აზროვნებაში, არამედ უკეთეს კომუნიკაციაშიც.
თუ თქვენ შეგიძლიათ იფიქროთ ჩარჩოების გარეშე და უკეთ დააფიქსიროთ თქვენი პოზიცია, შეგეძლებათ თავისუფლად ჩაერთოთ დისკუსიებში და გამოთქვათ საკუთარი აზრი. ეს ყველაფრის წყალობით კი, მომავალში გაცილებით უფრო მნიშვნელოვანი წვლილს შეიტანთ თქვენს საქმეში.
შეიძლება არალოგიკურად ჟღერდეს ანალიტიკური აზროვნების დაკავშირება ემოციურობასთან ან შინაარსობრივობასთან, მაგრამ როდესაც გადაწყვეტილების მიღების პროცესში თავს თავდაჯერებულად გრძნობთ, საბოლოო შედეგი უფრო მეტ სიამოვნებას გაგრძნობინებთ და განავითარებს თქვენს ემოციურ ინტელექტს.
ისევე, როგორც თავად კრიტიკული აზროვნების პროცესს, ასევე მის სწავლებას და განხორციელებას დრო და მოთმინება სჭირდება.
თუმცა მისი საფუძვლიანად შესწავლის შედეგად კომპანიას შეეძლება დაზოგოს უამრავი დრო და თანხა გრძელვადიან პერსპექტივაში.
ასევე იხილეთ საინტერესო ბლოგები: როგორ განვთავისუფლდეთ ემოციებისგან, გადაწყვეტილებების მიღებისას | როგორ შევუსაბამოთ პირადი მიზნები ორგანიზაციულს?