ყველა მცირე ბიზნესის არსებობისათვის საჭიროა შემოსავალი, რათა მან განაგრძოს მუშაობა. განსხვავება თქვენი გაყიდვების შემოსავალსა და ბიზნესის ხარჯებს შორის მიუთითებს თქვენი ზრდისა და გაფართოების უნარზე.
მაგრამ, როგორც მცირე კომპანია, როგორ უნდა გააკეთოთ ეს? თუ გსურთ, რომ თქვენი სტარტაპი გახადოთ მომგებიანი ან უბრალოდ გაზარდოთ მთლიანი მოგების მარჟა, აქ ჩამოთვლილია ხუთი გზა, რომელზეც შეიძლება არ გიფიქრიათ.
ყურადღება გაამახვილეთ თქვენი მომხმარებლის გამოცდილებაზე
ის ადამიანები, რომლებიც ყიდულობენ თქვენს პროდუქტს ან მომსახურებას, არიან თქვენი მოგების მიღების მიზეზი. ამრიგად, მოგების ზრდა იწყება მომხმარებლის გამოცდილების გათვალისწინებით.
კლიენტთა მომსახურებამ შეიძლება დიდი გავლენა იქონიოს თქვენს შემოსავლებზე, მომხმარებლის უკეთესი გამოცდილების შედეგად გაიზრდება გაყიდვები და ლოიალობა, რაც საბოლოო ჯამში, გააუმჯობესებს ბრენდის ცნობადობას და მომგებიანობას.
თქვენ ყურადღება უნდა გაამახვილოთ პროდუქტსა და მომხმარებელზე.
თუ შექმნით ისეთ პროდუქტს, რომელიც მოიზიდავს ხალხს, შეგეძლებათ შექმნათ ბიზნეს მოდელი, რომელიც იქნება მათზე მორგებული. და პირიქით, თუ თქვენ ვერ შექმნით ისეთ რამეს, რომელზეც იქნება მოთხოვნა, ვერანაირი ბიზნეს მოდელი ვერ დაგეხმარებათ.
ყურადღებით აკონტროლეთ თქვენი ხარჯები
მცირე ბიზნესის წამოწყება უამრავ რისკთან არის დაკავშირებული, მაგრამ ერთი რამ, რაც მთლიანად თქვენს კონტროლქვეშაა, არის ის, თუ რამდენს ხარჯავთ.
თქვენს ფინანსებზე ყურადღების გამახვილება და მხოლოდ აუცილებლობის შემთხვევაში გაწეული ხარჯები, დაგეხმარებათ ბიუჯეტის გაკონტროლებაში. ხარჯთაღრიცხვის პრაქტიკამ შეიძლება გაამარტივოს საქმეები.
ეძებეთ პარტნიორული ურთიერთობები
სტარტაპის შემთხვევაში, შესაძლოა წარმოიშვას ფინანსური სირთულეები.
ზოგადად, მათ არ შეუძლიათ განვითარდნენ ისე, როგორც დიდი კომპანიები. ასე რომ, უფრო ძნელი იქნება მათთვის იყვნენ მომგებიანი.
მაგალითად, როდესაც კომპანია უფრო მეტ პროდუქტს ყიდულობს, ის მეტს ზოგავს, მაგრამ მცირე ბიზნესს არ აქვს ფინანსურად იმისი საშუალება, რომ დიდი რაოდენობით პროდუქტი შეიძინონ.
ერთი-ერთი გამოსავალი თქვენი ოპერაციების სირთულის შემცირებაა. თქვენ შეიძლება შეძლოთ მოვაჭრეებთან და მომწოდებლებთან მოლაპარაკება, ან მონაწილეობა მიიღოთ სავაჭრო თანამშრომლობაში და შეიძინოთ პროდუქტები უფრო დაბალ ფასად.
მონაცემებმა მართოთ თქვენი გადაწყვეტილებები
ბიზნესი წარმოშობს მონაცემებს მისი მომხმარებლის, გაყიდვების, მარკეტინგული კამპანიებისა და სხვა მნიშვნელოვანი სფეროების შესახებ.
მოგების ზრდაზე პასუხი შეგიძლიათ ნახოთ ყველა ამ მონაცემში. მთავარია მათი გამოყენება, რათა წარმატებით წარიმართოს ესა თუ ის მოქმედებები.
გაიგეთ და გაზარდეთ ღირებულება
არანაკლებ მნიშვნელოვანია, თქვენმა კომპანიამ გაიგოს, თუ რა გახდის მას უნიკალურს და განგასხვავებთ კომპანიებისგან.
ინოვაციური ბიზნეს მოდელები შეიძლება დაეხმარონ მცირე ბიზნესებს, მომხმარებლებისათვის მეტი ღირებულების მიწოდებაში.
მათ შეუძლიათ განიხილონ და შეისწავლონ ციფრული ინსტრუმენტები. მასშტაბის გათვალისწინებით, მცირე კომპანიებს შეუძლიათ სწრაფად შევიდნენ ციფრულ მოდელებში და უფრო მეტი ყურადღება გაამახვილონ ინოვაციაზე, რაც უფრო გააძლიერებს მათ.
ასევე იხილეთ საინტერესო ბლოგები: 4 ნაბიჯი თქვენი ბიზნესის ექსპორტზე გასატანად | როგორ შექმნათ რამდენიმე შემოსავლის წყარო თქვენი ბიზნესისათვის