ხშირად გვესმის სიტყვა “მენეჯმენტი”, როგორც უმაღლესი დონის ავტორიტეტების აღწერის საშუალება. მაგრამ ამ შემთხვევაში, ეს სიტყვა არასწორად გამოიყენება.
მენეჯმენტი პრაქტიკაა და არა ადამიანი, როდესაც ვსაუბრობთ პროექტის მენეჯმენტზე, ჩვენ ვსაუბრობთ იმაზე, თუ რა კეთდება იმისთვის, რომ ყველაფერი შესრულდეს ისე, როგორც საჭიროა.
ამ დროს პროექტის მენეჯერი უზრუნველყოფს, რომ ყველა თანამშრომელი მისთვის განსაზღვრუნ დროში ასრულებდეს მასზე დაკისრებულ მოვალეობებს. მენეჯერები არიან ის ადამიანები, რომლებიც თვალყურს ადევნებენ, რომ პროექტის ყველა ასპექტი შეუფერხებლად მიმდინარეობდეს. მოკლედ რომ ვთქვათ, მენეჯმენტი არის ზედამხედველობის განხორციელების პროცესი.
როგორ მუშაობს პროექტის მენეჯმენტი
პროექტის მენეჯერისათვის, ამ დროს მთავარია იპოვოს ბალანსი, რომელიც მუშაობს ორგანიზაციისთვის და იმ ადამიანებისთვის, რომლებიც პასუხისმგებლები არიან პროექტის შესრულებაზე.
ამ ყველაფრის განხორციელებისათვის საჭიროა სამი ძირითადი ნაბიჯი, რომელსაც ორგანიზაციების უმეტესობა მიჰყვება.
კვლევისა და დაგეგმვის ეტაპი
ამ პროცესში პირველი ეტაპი კვლევაა, თუ რა უნდა გაკეთდეს იმისათვის, რომ პროექტი წარმატებული იყოს.
ეს მოიცავს ბაზრის კვლევას, კონკურენციის ანალიზს და საფუძვლიან გააზრებას, თუ რა სურს კლიენტს. კვლევის ჩატარებისა და პროცესის დაგეგმვის გზით, დასახავთ ადეკვატურ მიზნებს.
ეს ასევე უზრუნველყოფს მოთხოვნების სრულყოფილად გაგებასა და განვითარებას, რათა გუნდის ყველა წევრმა შეძლოს დავალებების შესაბამისი ნაწილის დროულად შესრულება.
შესრულების ეტაპი
პროცესის შემდეგი ეტაპი არის გეგმის შესრულება. ეს ნიშნავს იმ გზისა და მეთოდის არჩევას, რომლის გამოყენებასაც აპირებთ. საერთო ჯამში, ეს არის ადგილი სადაც იმუშავებთ თქვენი გუნდის წევრებთან.
ამასთან ერთად დარწმუნებული უნდა იყოთ, რომ ყველას აქვს მიცემული დავალებები, რომელთა შესრულებაც მათ ევალებათ.
თქვენ უნდა გაესაუბროთ იმ თანამშრომლებს, რომლებიც თითოეული ასპექტის შესრულებას აპირებენ. უნდა დაელაპარაკოთ დაინტერესებულ მხარეებს და კლიენტებს, რომლებიც შედეგებისგან სარგებლის მიღებას აპირებენ.
ყველამ უნდა იცოდეს პროცესის მიმდინარეობის შესახებ, მისი დაწყებიდან საბოლოო პროდუქტის შექმნამდე.
ტესტირების ეტაპი
საბოლოო ეტაპია, როდესაც პროექტი სრულდება. ამ ეტაპზე უნდა დარწმუნდეთ, რომ ყველაფერი მუშაობს ისე, როგორც დაგეგმილი იყო. იგი წინ უძღვის იმ შედეგებს, რომლებსაც ელოდით.
თქვენ უნდა შეამოწმოთ ყველაფერი და მზად უნდა იყოთ მცირე კორექტირებების შეტანისათვის, თუმცა ეს მაინც ნიშნავს იმას, რომ პროექტი დასრულდა.
ყველაფერი, რაც სტატიიდან შეიტყვეთ პროექტის მენეჯმენტის შესახებ, პრაქტიკაში გამოყენებადია. ასე რომ, თუ პროექტზე მუშაობთ, შესაძლოა ამ ცოდნას უკვე იყენებთ.
თუ არა, დაუთმეთ რამდენიმე წუთი და იფიქრეთ იმაზე, თუ როგორ შეგიძლიათ გამოიყენოთ ეს ყველაფერი, რომ თქვენი პროექტი მაქსიმალურად შეუფერხებლად წარიმართოს.
ასევე იხილეთ საინტერესო ბლოგები: მენეჯმენტის როლი თანამედროვე ბიზნესში | 6 რჩევა თქვენი გუნდის წარმატებული მუშაობისთვის