„AGIC“-მა 20-21 სექტემბერს ქ. ზუგდიდში, ააიპ საქველმოქმედო ჰუმანიტარული ცენტრი „აფხაზეთი“-ს თანამშრომლებისათვის, ჩაატარა ტრენინგი ბიზნეს გეგმების მონიტორინგის
პროცესებთან დაკავშირებით. ის ეხებოდა ბიზნესის ფინანსურ ანალიზს, ბაზრის კვლევებისა და სხვა მნიშვნელოვანი საკითხების შეფასებას და მთლიანობაში ბიზნესის რისკების იდენტიფიცირებას.
“AGIC” ბიზნეს გეგმის მომსახურებით ეხმარება პოტენციურ კლიენტებს დინამიური, კომპლექსური, დაბალი დანახარჯებით და პროფესიონალურად დაწერილი პროექტის შემუშავებაში.
ბიზნეს გეგმა არის დოკუმენტი, რომელიც არის როგორც თქვენი ბიზნესის სახელმძღვანელო, გადმოსცემს პერსპექტივებსა და ზრდის პოტენციალს.
იმისთვის, რომ მოიპოვოთ დაფინანსება ან მიაღწიოთ რომელიმე ზემოთაღნიშნულ მიზანს, თქვენ უნდა გქონდეთ კარგად ჩამოყალიბებული, გამჭირვალე ბიზნეს გეგმა.
სწორედ მან უნდა დაამტკიცოს, რომ ყურადღება გამახვილებულია თითოეულ ასპექტზე რომლის საფუძველზე ბიზნესი მიაღწევს წარმატებას.
ბიზნეს გეგმის შემთხვევაში აუცილებელია მკითხველმა შეძლოს მისი წაკითხვა, გაგება და დარწმუნება, რომ ბიზნესის ფარგლებში დასახული მიზნების მიღწევა შესაძლებელია. შესაბამისად, ბიზნეს გეგმა არის ყველაზე მნიშვნელოვანი და საჭირო დოკუმენტი, რომელიც სჭირდება ბიზნესს. ძირითადად ბიზნესზე დაფინანსების უარი განპირობებულია დაბალი ხარისხით ფორმულირებულ ბიზნეს გეგმაზე, დეტალებისადმი უყურადღებობაზე, გამჭირვალობის ნაკლებობაზე, ან კომუნიკაციის დაბალ ხარისხზე რომელიც საჭიროა ბიზნეს გეგმის მომზადების პროცესში.
თუმცა „AGIC“ ორიენტირებულია არამხოლოდ ბიზნეს გეგმებთან დაკავშირებულ საკითხებზე, არამედ მის საქმიანობაში საკონსულტაციო მომსახურებასთან ერთად, შედის აუდიტი, საბუღალტრო და საგადასახადო მომსახურებებიც.
ააიპ საქველმოქმედო ჰუმანიტარული ცენტრი „აფხაზეთი“ 1995 წლიდან საქმიანობს და განხორციელებული აქვს პროექტები საქართველოს თითქმის ყველა რეგიონში. ცენტრის ერთ-ერთი ძირითადი მიმართულება არის კონფლიქტის შედეგად დაზარალებული და უკიდურესად შეჭირვებული მოსახლეობის ეკონომიკური გაძლიერებისა და განვითარების ხელშეწყობა საზოგადოებაში მათი სოციალურ-ეკონომიკური ინტეგრაციისათვის.
ორგანიზაცია ჩამოყალიბდა აფხაზეთში განვითარებული ძალადობრივი კონფლიქტის შემდეგ იძულებით გადაადგილებული ათასობით დევნილი ადამიანის დახმარების მიზნით და მას შემდეგ უამრავი საგანმანათლებლო, მიკრო-საფინანსო თუ დევნილთა განსახლების მხარდასაჭერი პროგრამა განახორციელა.
ცენტრის მთავარი მიზანია გაზარდოს ინდივიდებისა და თემის როლი სამოქალაქო საზოგადოების მშენებლობასა და დემოკრატიის გაძლიერებაში, გააუმჯობესოს სოციალური და ეკონომიკური პირობები იძულებით გადაადგილებულ და სხვა სოციალურად დაუცველი მოსახლეობისათვის.
ორდღიან ტრენინგის უძღვებოდა „AGIC”-ის მმართველი პარტნიორი გიგი მიქაბაძე.
ტრენინგი შედგებოდა შემდეგი მოდულებისგან:
- მნიშვნელოვანი ფინანსური კოეფიციენტების განხილვა
- ბიზნესის ანალიზი და რისკების იდენტიფიცირება
- პრაქტიკული მაგალითები – კომპანიების ფინანსური ანალიზის განხილვა
- ბიზნეს გეგმის სტრუქტურა და მნიშვნელოვანი საინფორმაციო წყაროების განხილვა
- ბაზრის კვლევის სტრუქტურა
- SWOT ანალიზის მნიშვნელობა
- ბიზნეს გეგმის მონიტორინგის მნიშვნელოვანი პროცედურები